Hukumar Kare Hakkin Masu Saye da Sayarwa ta ta kasa ta fara fadada bincike akan zargin ƙarin kuɗin tikitin jirgin sama ba bisa ƙa’ida ba da yawancin kamfanonin jiragen sama na Najeriya ke yi.

Rahotanni sun nuna damuwa game da tsarin ƙayyade tsadar tikiti da
wasu kamfanonin jiragen sama na cikin gida ke amfani da shi,
musamman a hanyoyin zirga-zirgar cikin ƙasa.
Majalisar Dattawan Najeriya ta tattauna wannan batu sosai, inda ‘yan
majalisar suka yi kira da a gudanar da cikakken bincike.
Sun zargi kamfanonin jiragen sama da mummunan cin zarafi ga
fasinjoji, musamman ta fuskar ƙara farashin tikiti musamman a lokutan
bukukuwa.
Hukumar ta ce binciken da ake yi yanzu ya shafi kamfanonin jiragen
sama da ke aiki a wasu hanyoyi da aka gano, ciki har da yankunan
Kudu maso Gabas da Kudu maso Kudu na ƙasar.